Формула 1 шампионатот оваа сезона нуди возбудувања какви што не се виделе одамна. Во финишот на сезоната, дури тројца возачи имаат реални шанси да стигнат со светската титула. На две трки до крајот, Ландо Норис со 390 бодови, пред Оскар Пјастри со 366 и Макс Ферстапен кој исто така има 366 бодови.
Вечерва од 19 часот ќе се возат квалификациите на трката за Големата награда на Катар, а последната трка во шампионатот е закажана за 7 декември во Абу Даби, кога најверојатно и ќе се решава шампионот.
Според очекувањата, на денешните квалификации, главна битка за пол-позицијата ќе биде меѓу Норис и Ферстапен, а секако дека трет кандидат е и Пјастри. Би било вистинско чудо ако некој друг возач освен овие тројца, стигне до најбрз круг и се избори прв да стартува на утрешната трка која може да даде многу одговори во трката за шампионскиот престол. 
