Раководството на Фудбалската асоцијација на Англија состави список на кандидати за местото селектор на англиската репрезентација. На списокот се четири лица, и тоа Еди Хау, Френк Лампард и Греам Потер како домашни решенија кои се во трка за функцијата, но главниот сон е тренерот на Манчестер сити, Пеп Гвардиола.
Во моментов селекторската функција ја врши Ли Карсли, под негово водство тимот забележа две победи по ред, но тој не е популарен во јавноста затоа што не сака да ја пее химната со објаснување дека тоа го „деконцентрира“ и сака да биде фокусиран на тактиката и мечот, а не на пеењето.
Името на новиот селектор ќе биде објавено пред почетокот на квалификациите за СП 2026 година.
