Тренерот на Динамо Загреб, Фабио Канаваро, се наоѓа пред отказ по најновиот дебакл на актуелниот хрватски шампион кој загуби со 3-0 на гостувањето кај Истра. По ова, Динамо остана на третата позиција, со осум бода помалку од лидерот Хајдук.
Актуелните шампиони, на осум кола пред крајот на сезоната, се сè помал фактор во борбата за титулата.
Победата за Истра ја донесоа двојниот стрелец Стјепан Лончар и Лавал Фаго. На овој натпревар Аријан Адеми беше стартер во тимот на Динамо Загреб и беше заменет на полувремето, додека Стефан Ристовски остана на клупата за резерви.
