Комо не помина добро на својот прв натпревар во Серија А по пауза од 21 година, тимот загуби со 0-3 од Јувентус, а тренерот Сеск Фабрегас изјави дека ова е реалноста и им порача на навивачите на Комо дека грешат ако мислат дека екипата ќе се бори за место во Лигата на шампионите.
„Морам повторно да го гледам натпреварот и внимателно да анализирам што треба да направиме. Минатата сезона загубивме со 3-0 од Палермо, но станавме најдобриот тим во Серија Б. Знаеме дека треба да се подобриме, разликата беше во индивидуалниот квалитет и во самодовербата. Примивме доза на реалност бидејќи ова е нивото на Серија А и мора да се подобриме“, изјави Шпанецот.
„Имавме осуммина играчи од минатата сезона, треба да работиме напорно и да се опуштиме. Ни треба смиреност и трпение. Секој што мисли дека целиме кон Лигата на шампионите оваа сезона, многу греши“, додаде Фабрегас, кој во одбраната не можеше да смета на повредениот Рафаел Варан, кој е едно од најзвучните имиња во составот.
