Логан Пол на доминантен начин го победи Дилон Данис кој едноставно делуваше инфериорно и на крајот направи скандал по кој борбата беше прекината. Во тек беше шестата рунда кога Данис неможејќи боксерски да се спротистави на противникот, се обиде со џиу-џици потег да го совлада, но не успеа.
Пол доминираше на мечот во Манчестер, а Данис само повремено се обидуваше да го загрози ривалот но не успеваше, па на крајот направи хаос по кој мораше во рингот да влезат 10-тина луѓе од обезбедувањето, а судијата веднаш ја прекина борбата и го прогласи Пол за победник.
https://twitter.com/i/status/1713387685455581214
„Штета што не го залепив на подот. Покажа дека е само едно обично ѓубре од човек. Овој човек се нарекува борец? Меконор го средив твојот човек“, рече Пол по мечот.
Данис е познат како борецот кој направи хаос и во Лас Вегас по мечот на неговиот спаринг партнер Конор Мекгрегор и Хабиб Нурмагомедов. Тогаш Данис на верска основа го навредуваше Дагестанецот, кој ги загуби нервите и скокна од рингот за да се тепа со провокаторот.
Синоќа во Манчестер Американецот повторно направи хаос и тоа во меч на кој доби ќотек за памтење.
