Легендарниот напаѓач Радамел Фалкао неодамна се врати во родната Колумбија и потпиша за тимот на Милионарес, а изминатиов викенд го пропушти мечот поради семејна драма.
Во неговиот дом во Богота, неговата сопруга Лорелеи Тарон и неговите пет деца, како и двајца роднини биле затруени со јаглен моноксид од истекување на плин. Сите биле спасени благодарение на брзата интервенција на собарката, а потоа биле пренесени во болница.
#ATENTOS. Lorelei Tarón, esposa de Radamel Falcao, contó en una serie de historias a través de su cuenta de Instagram los momentos de angustia que vivió junto a su familia durante la mañana de este 27JUL debido a una fuga de gas en su casa. pic.twitter.com/zNeuAif8cR
— Colombia Oscura (@OscuraColombia) July 28, 2024
„Имавме вклучено греалка, која немаше излез и едноставно бевме затруени со јаглен моноксид. Работеше неколку часа и мислевме дека миризбата е нормална. Наеднаш се појави многу силна миризба и жената која ни помага за куќните обврски почна да ни вика дека мора веднаш да излеземе надвор. Излеговме надвор, затоа што мирисот беше неподнослив. Светот ми се сруши, децата плачеа. Сите добивме симптоми како што се повраќање и главоболки“, објасни сопругата на Радамел, Тарон.
Фалкао им се извини на своите соиграчи и навивачите затоа што не бил на теренот на последниот меч, бидејќи бил потребен на семејството. Фалкао имаше одлична кариера во која играше за Ривер плејт, Порто, Атлетико Мадрид, Монако, Манчестер јунајтед, Челзи, Галатасарај и Рајо Валјекано.
