Понижувачките 0-4 против Манчестер сити викендов како да не беа доволни, па Ливерпул им приреди ново разочарување на своите верни навивачи.
Поразот од 0-2 против ПСЖ не делува толку страшно, но сликата која ја оставија Црвените на „Паркот на принцовите“ беше очајна, имаа само 26 отсто посед на топка и треба да бидат среќни што не примија уште неколку голови.
Ливерпул вечерва не упати ниту еден шут во рамките на голот на ПСЖ. Шутнаа само три пати за 90 минути, но ниеднаш во рамките на голот, па чуварот на мрежата Сафонов немаше работа. Претходниот меч во ЛШ на кој Ливерпул не шутнал во рамки на гол бил во ноември 2020 година против Аталанта.
