Фудбалерите на Ривер Плата ја совладаа Бока јуниорс со 2-1 во најголемиот натпревар на аргентинскиот фудбал, познат како Суперкласико, одигран на „Монументал“ во 15-то коло од тамошната „Апертура“.
Како и обично, во дуелот на два гиганти имаше многу возбудувања, а натпреварот го обележа 17-годишниот суперталент Франко Мастантуоно, за кого веќе голем број европски гиганти покажале интерес.
Франко Мастантуоно постигна фантастичен гол од слободен удар за еуфорија кај своите фанови.
I told you before that Franco Mastantuono has the minerals, but to score this free-kick from this distance against River Plate’s rivals Boca Juniors who are top of the league??? INSANE
— Ben Mattinson (@Ben_Mattinson_) April 27, 2025
What a player. Wow.
🎥: @DiarioGols pic.twitter.com/al8o5rhbCp
Бока успеа брзо да се врати и изедначи во 39-та минута. Левиот бек на гостите, Лаутаро Бланко успеа да го пронајде напаѓачот Мигел Мерентиел, кој ја искористи грешката на искусниот стопер на домаќините, Печела, и изедначи на 1-1.
Но, на Ривер не му требаше многу време да се врати во водство. Домаќините постигнаа гол во последната минута од првото полувреме. Совршен центаршут упати Енцо Перез, а топката стигна директно до главата на напаѓачот Себастијан Дриуси, кој од втор обид го совлада голманот на Бока, Марчесин, за голема радост на публиката на „Монументал“.
Бока јуниорс, и покрај овој пораз, остана лидер во групата А на аргентинската „Апертура“, додека Ривер е на третата позиција во групата Б.
