Вторник беше среќен ден за гостиварец кој си заработи 4.500 евра играјќи репрезентативен фудбал. Обложувачот од Гостивар одигра тикет на којшто имаше девет натпревари, и тоа од квалификациите за ЕП 2024 или пријателски дуели. Со уплата од 270 денари, направи квота од 1.198 и си заработи 275.193 денари нето.
Само еден натпревар е одигран на конечен тип кој без проблеми излезе (Франција – Шкотска 4:1), а останатите беа игри на голови. На еден меч беше одграно двете селекции да дадат гол, на два е одиграно 1+I&1+II, а на останатите пет, гостварецот одиграл да има еден или два гола и во првото и во второто полувреме.
На тикетот е и дуелот кој се играше во Струмица и на кој Македонија со 3:1 ја совлада Ерменија. За овој меч, гостиварец одигра дека ќе бидат постигнати барем по еден гол и во првото и во второто полувреме.
На три натпревари на кои мораше да има еден или два гола во првото и во второто полувреме, гостиварецот имал голема доза среќа. На мечевите Англија – Италија, Литванија – Унгарија и Србија – Црна Гора беа постигнати по четири гола, но на радост на обложувачот, по два во двете полувремиња.
ИГРАШЕ НА ФАВОРИТИТЕ И СИ ЗАРАБОТИ УБАВА СУМА
Во објект на Sport Life во Драчево, тикет уплатен вчера донесе 25.063 денари. На тикетот кој е уплатен за 100 денари се одиграни пет натпревари кои се играа вчера и на кои најмалата квота изнесуваше 2.45, а најголемата 4.40.
Најголемата квота беше од мечот меѓу Англија и Италија (3:1), на кој беше одиграно на победа на Гордиот Албион и притоа и двете селекции да постигнат гол. Истата игра беше и за дуелите Србија – Црна Гора (3:1) и Франција – Шкотска (4:1).
Најмалата квота е од дуелот Албанија – Бугарија (2:0), каде што беше одиграно на триумф на Албанија и да има меѓу два и четири гола.
Последниот натпревар кој му донесе добивка од 25.063 денари во Драчево беше дуелот од квалификациската група во која се наоѓа и Македонија, и тоа меѓу Малта и Украина (1:3).
