Фудбалерите на Тотенхем после победата над Манчестер сити во Лига купот на Англија, продолжија со одличните игри, па попладнево ја совладаа Астон вила на домашен терен со 4-1.
Сепак, победата не беше лесно како што може да се заклучи од резултатот. Астон вила после првите 45 минути имаше водство од 0-1 со голот на Роџерс во 32-рата минута, но големиот пресврт започна во 49-тата минута, кога Џонсон израмни на 1-1.
Победата за Тотенхем ја донесе фантастичниот Доминик Соланке во 75-тата и 79-тата минута, додека конечните 4-1 ги постави Џејмс Медисон во 96-тата минута.
Тотенхем со оваа победа се искачи на седмата позиција со 16 бода, додека Астон вила останува петта со 18.
