Ансу Фати на три дена пред крајот на летниот преоден рок е отворен за заминување од Барселона на едногодишна позајмица.
Каталонските медиуми пишуваат дека управата нема намера да го продава Фати, туку да го испрати на позајмица и најголем интерес за него пројавуваат премиерлигашите Тотенхем и Челзи, како и бундеслигашот Борусија Дортмунд. Според медиумите, Фати сам ќе одлучи дали ќе игра во Бундеслигата или во Премиер лигата.
На фудбалерот тешко му падна тоа што и покрај заминувањето на Осман Дембеле и повредата на Рафиња, тренерот Чави Ернандес не му дава шанса да игра во првиот тим. Наместо Фати, Чави во оган во фрли 16-годишниот Ламин Ламал, кој одигра фантастично во првите три кола во Ла Лига.
