Легендарниот швајцарски тенисер Роџер Федерер, кој беше специјален гостин на турнирот од серијата мастерс 1000 во Шангај, направи споредба меѓу младата ѕвезда Карлос Алкарас и големата тениска тројка која ја промени историјата на овој спорт, во која покрај него се и Рафаел Надал и Новак Ѓоковиќ.
„Гледам потенцијал во форхендот на Карлос, кој е најблизок до тој на Рафа. Можеби има некои слични елементи од играта со мене, како што се слајсот и скратените топки. Може да игра од основната линија како Надал. Има одбранбени можности како Новак, но Ѓоковиќ тоа го прави долги години и затоа е без конкуренција во тој дел од играта. Никој не може да се брани како Новак. Исто како што никој не може да игра како Рафа Надал на земја. Мислам дека е многу важно за Карлос да ги избегне повредите. Но, не ми се допаѓаат никакви споредби“, изјави Федерер.
