Роџер Федерер загуби во осминафиналето на турнирот во Хале и не успеа по 11-ти пат да го освои тој турнир кој се игра на тревната подлога. Швајцарецот во првото коло победи против квалификант, а денеска против точно 19 години (родени се на 8 август, но Швајцарецот речиси две децении порано) помладиот Канаѓанец Феликс Оже Алијасим го освои само првиот сет со 6-4, пред да ги загуби наредните два со 3-6 и 2-6.
Федерер во 2019 година го освои овој турнир по десетти пат во кариерата, лани не се играше, а сега испадна прерано. Ова е сигнал дека Федерер нема да биде во првиот ред на фаворити за титулата на претстојниот грен-слем Вимблдон.
