Жозе Мурињо уште е во потрага на својот следен клуб. Португалскиот стратег во декември си замина од Манчестер јунајтед и оттогаш е без работа. Додека беше кај „црвените ѓаволи“, Мурињо беше тренер на Маруан Фелаини, кој во зимскиот преоден рок беше продаден во Кина и игра за тимот на Шандонг Луненг.
Фелаини одлиучно се снајде во кинескиот тим и веќе има постигнато седум голови, но не може да ги заборави моментите поминати во Манчестер со Мурињо. Запрашан за тоа што мисли за португалскиот стратег, Фелаини реши тоа да го направи со два збора. Фелаини изјави „тежок, но великодушен“.
