Фенербахче покажува сериозен интерес за напаѓачот на Милан, Кристофер Нкунку. Турскиот гигант разгледува можност за доведување на 28-годишниот Французин на позајмица, но воедно е подготвен и да испрати конкретна понуда во висина од 30 до 35 милиони евра.
Нкунку е член на Милан од летото 2025 година и има договор со Росонерите кој важи до крајот на јуни 2030 година. Во тековната сезона офанзивецот забележа 15 настапи во сите натпреварувања, при што постигна три погодоци и запиша две асистенции.
Според специјализираниот портал „Трансфермаркт“, пазарната вредност на Нкунку во моментов изнесува околу 32 милиони евра.
