Македонскиот репрезентативец Енис Барди многу веројатно дека на крајот од сезонава ќе го напушти тимот на Леванте. Барди веќе петата сезона е дел од Леванте, но тимот сезонава игра многу слабо и е на последното место во шпанската Примера и не му бега испаѓање од елитното друштво.
Во една таква ситуација, Барди сигурно ќе биде на „менито“ за заминување од Леванте, па турсите медиуми веќе започнаа да шпекулираат, а потоа пренесуваат и шпанските весници дека следната дестинација на македонскиот репрезентативец ќе биде Фенербахче.
Барди сезонава даде три гола, а имаше и две асистенции, што сепак е премалку за тоа што се навикнати да гледаат навивачите на Леванте од него. Барди вкупно за Леванте има одиграно 155 натпревари во кои постигна 24 голови. Во Шпанија е познат и како еден од подобрите изведувачи на слободни удари.
Освен за Леванте, Барди во кариерата има играно и за Ујпешт три сезони, а кариерата ја започна во Преспа Бирлик во шведската втора лига.
