Џенова и Сампдорија ги поделија бодовите при конечни 1-1, во 97-то градско дерби. Во мечот од рамките на 13. коло во Серија А, тимот на Горан Пандев веќе шести меч не успева да издвои позитивен резултат, а во слична негативна серија се наоѓа и Сампдорија, тие веќе петти меч се без триумф.
Фабио Квалјарела им донесе водство на „гостите“ во сини дресови по само осум минути игра. Сепак, радоста не траеше долго, бидејќи во 17-тата минута Џенова израмни, Пјонтек беше прецизен од белата точка.
Фудбалерите на Иван Јуриќ можеа да направат и комплетен пресврт, меѓутоа Аудеиро вечерва беше на ниво на задачата, и спречи неколку опасни шутеви на Џенова.
Капитенот на македонската репрезентација, Горан Пандев, не доби шанса да заигра во дербито, иако предводникот на Џенова можеше да ја искористи третата замена за да го внесе.
https://www.dailymotion.com/video/x6xt3ql
https://www.dailymotion.com/video/x6xt44w
