Рафаел Надал и Данил Медведев ќе играат во финалето на годинашново издание на Отвореното првенство на САД. Легендарниот шпански тенисер без никакви проблеми со 3:0 во сетови славеше против 10 години помладио Матео Беретини со 7:6, 6:4, 6:1. Речиси идентично одеше резултатот и на дуелот Медведев – Димитров па по сетови беше 7:6, 6:4, 6:3.
Клучен за победата на Надал беше првиот сет. Шпанецот покажа ментална сила и концентрација, додека Италијанецот кој прв пат игра во полуфинале на Гренд слем, може да жали што не му зема барем еден сет на фаворитот. Беше 6:6 во гемови, а во тај-брејкот Беретини имаше две сет топки и тоа една на свој сервис. Најпрво водеше со 4:0, потоа стигна до6:4, но тај-брејкот на крајот го доби Надал со 8:6.
Во вториот сет, клучен беше седмиот гем, кога Надал направи брејк за 4:3 и на крајот го доби со 2:0. Во една ваква ситуација, Беретини како да се предаде и третиот сет заврши со 6:1 за Надал, кој ќе го брка 19-тиот гренд слем трофеј во кариерата.
Финалето е утревечер од 22 часот, додека вечерва во 22 часот ќе стартува женското финале во кое ќе се сретнат Вилијамс – Андреску.
