Во тимот на Ферари веќе донесоа одлука за иднината на седумкратниот светски шампион во Формула 1, Луис Хамилтон, кој се приклучи на Скудерија на почетокот на годинава.
Точната должина на договорот на Британецот не е официјално соопштена, но се претпоставува дека е 2+1 година, при што опцијата за активирање на третата сезона е на страната на тимот.
Сепак, разочарувачките настапи на Хамилтон во сезоната 2025 ја предодредија неговата иднина, и, според „ЕСПН“, тој нема да остане во Маранело за сезоната 2027.
Сепак, ова може да се промени ако неговото претставување драстично се подобри наредната година, кога во Формула 1 ќе бидат воведени новите технички правила. Во спротивно, многу е веројатно Хамилтон да го напушти Маранело само две години по доаѓањето во Италија, а неговиот наследник веќе е сигурен.
Негов наследник ќе биде сегашниот пилот на Хаас, Оливер Беарман, кој е произведен од академијата на Ферари и во моментов е под наем во американскиот тим. Младиот Британец дебитираше во Формула 1 во Саудиска Арабија минатата година, кога итно го замени Карлос Саинц на почетокот на третата тренинг-сесија. Тогаш Беарман остави одличен впечаток, стартувајќи од 11-тата позиција и финиширајќи како седмопласиран во Џеда.
