Шампионот Макс Ферстапен од Ред Бул ја освои пол-позицијата во квалификациите на патеката Сузука, и утрешната трка од Формула 1 ќе ја почне од најповолната позиција.
Ова е мало изненадување со оглед на тоа дека болидите на Мекларен беа одлични викендов, водеа до последниот круг на Макс, но Холанѓанецот покажа шампионски карактер и возење, па спречи „еден-два“ победа на Мекларен и првпат сезонава е на пол-позиција.
Зад Ферстапен се најдоа Норис, Пјастри, Леклер и Расел, па може да се очекува интересна трка, особено ако се остварат најавите дека може да врне дожд.
Негативно за големата награда на Јапонија е што викендов често имаат проблеми со запалена трева покрај патеката, па и официјалните квалификации и тренинзите беа прекинувани поради таа причина.
