Холандскиот Формула 1 пилот и од вчера четирикратен светски првак, Макс Ферстапен, даде храбра изјава дека ќе ја освоел титулата во 2024 година дури и како возач на Мекларен или Ферари.
Ферстапен смета дека неговата доминација е резултат на постојаноста и исклучително доброто управување со трките и доказ за неговата лична класа, а не само за технолошката супериорност на неговиот тим.
Макс рече дека неговиот успех е голем затоа што немал најбрз болид на 70% од трките сезонава.
„Да, ќе освоев титула и со Мекларен и уште порано. Горе-долу тоа би било и со Ферари. Со Мерцедес не, со нивниот болид ќе беше покомплицирано да се стане првак“, изјави Холанѓанецот во интервјуто по обезбедувањето на титулата.
