Довчерашниот директор на А-репрезентацијата на Македонија, Дени Масев, е во притвор, а неговите активности во Федерацијата престанале со моментален ефект, со почетокот на истрагата, потенцираше ФФМ со соопштение до јавноста.
„Во врска со приведувањето на Данчо Масев, истакнуваме дека Фудбалската федерација на Македонија нема информации за неговите лични постапки и активности кои довеле до оваа ситуација.
Со оглед на ситуацијата, неговите активности во рамките на Федерацијата престанаа со моментален ефект, односно пред повеќе од една седмица.
Како институција која се придржува до принципите на законитост и интегритет, случајот го оставаме на органите на Законот во државата.
Нашиот фокус е насочен кон организацијата и подготовката на натпреварот Македонија – Велс, без да се акцентираат личните постапки, а каква било одговорност ќе биде утврдена од законските органи.
Фудбалска федерација на Македонија нема да коментира повеќе за овој случај“, се вели во соопштението на ФФМ.
