Макс Ферстапен и официјално е победник на Големата награда на Австрија откако и стјуардите потврдија дека престигнувањето на Холанѓанецот во 69-тиот круг беше исправно. Ферстапен стигна до победничкиот пиедестал откако на три круга пред крајот го помина дотогаш водечкиот Шарл Леклер од Ферари.
При престигнувањето, болидите на двата возачи се удрија, а Леклер на кратко беше надвор од патеката и потоа се врати на втората позиција.
It decided the race
Now the stewards need to decide on this lap 69 pass#AustrianGP #F1 pic.twitter.com/seyqDmRMVT
— Formula 1 (@F1) June 30, 2019
Стјуардите на трката најавија дека ќе го разгледаат инцидентот, па ќе одлучат дали има услови за казна на Ферстапен. По неколку часа разгледување на ситуацијата, беше решено дека престигнувањето на Ферстапен било коректно и Холанѓанецот остана победник на денешната трка.
„Ниеден возач не е виновен за контактот на болидите во 69-тиот круг“, стоои во службеното објаснување.
