Светската фудбалска асоцијација ФИФА го поддржала предлогот на Јужноамериканската фудбалска конфедерација (КОНМЕБОЛ) за проширување на бројот на учесници на Мундијалот во 2030 година.
Предлогот е на СП 2030 година да има дури 64 земји учеснички. Во групната фаза би имало 16 групи од по четири екипи, при што првите две ќе продолжат во нокаут-фазата.
ФИФА веќе го зголеми бројот на екипи за Светското првенство од 32 на 48, а првото СП во овој формат со 48 тима ќе се одржи во 2026 година во САД, Канада и Мексико.
Светското првенство во 2030 година ќе се одржи во Шпанија, Португалија и Мароко, а по еден меч ќе има и во Уругвај, Аргентина и Парагвај.
