Светската фудбалска федерација (ФИФА) ги потврди промените кои ќе се случат на наредното Светско првенство. На Мундијалот во 2026 година за првпат ќе учествуваат 48 репрезентации наместо досегашните 32 селекции.
За првпат наместо осум групи со по четири селекции, сега учесниците ќе бидат поделени во 12 групи со четири тима. Понатаму ќе продолжат двете првопласирани од секоја група, плус најдобропласираните осум третопласирани.
Со овој распоред, на планетарниот собир ќе се одиграат уште 40 меча. Тоа значи дека во 39 дена, колку што ќе трае Мундијалот, ќе бидат одиграни вкупно 104 средби.
⚽️ 12 four-team groups
⚽️ Top 2️⃣ + 8️⃣ best third-place sides qualify for round of 32
⚽️ 48 teams instead of 32
⚽️ 104 games over 39 days, 24 more than proposed three-team group formatThe FIFA Council is set to approve these changes to the World Cup — what do you make of them? pic.twitter.com/pXI5CS86aK
— The Athletic | Football (@TheAthleticFC) March 14, 2023
Претходно постоеше можност селекциите да бидат поделени по три во група, но очигледно дека таа идеја е откажана.
Новите 16 места ќе бидат распределени на тој начин што Азија ќе добие дополнителни три места, четири позиции има резервирано за африкански селекции, две плус од Северна Америка и две плус места за Јужна Америка. Европа ќе добие дополнителни три места на СП, а едно место е резервирано за селекција од Пацификот.
Светското првенство во 2026 година ќе се игра во три земји, а домаќини ќе бидат САД, Мексико и Канада.
