Шпанската „Марка“ пренесува информација дека Светската куќа на фудбалот, ФИФА, пронајде решение за клубовите кои ќе играат на Светското клупско првенство. Проблемот е со играчите кои се на позајмица или се позајмени, па под прашање беше дали тие ќе може да играат на клупскиот Мундијал во САД.
Решението е воведување трет преоден рок кој ќе трае од први јуни до десетти јули и ќе може да го користат само клубовите кои ќе играат на Светското првенство. Со ова ФИФА го решава проблемот, но и полемиките и прашањата кои се појавија во светот на фудбалот по воведувањето на новото натпреварување, кое за првпат ќе се одржи следната година во САД.
