Шпанскиот новинар Јосеп Педрерол, кој е близок со Реал Мадрид, тврди дека Реал Мадрид има четворица играчи во тимот на годината во изборот на ФИФА, кој вечерва треба да биде објавен.
Серхио Рамос, Марсело и Лука Модриќ се фудбалерите кои подолго време се дел од Кралскиот клуб, а тука е и Еден Азар, кој летово дојде на „Сантијаго Бернабеу“. Освен овие четвoрица, во најдобриот состав има место и за: Алисон, Де Лихт, Ван Дајк, Де Јонг, Роналдо, Меси и Мбапе.
Освен составот на годината, треба да биде прогласен и најдобриот играч – Меси, Роналдо и Ван Дајк. Минатата година најдобар беше Лука Модриќ.
Наградата „Најдобар“ се доделува откако ФИФА реши да се оддели од „Франс фудбал“, кој ја доделува Златната топка, која и понатаму го има приматот на најпрестижна индивидуална награда во светот на фудбалот.
