Светската фудбалска централа (ФИФА) воведе значајна промена во фудбалскиот календар, која ќе стапи во сила од сезоната 2026/27 и се однесува на репрезентативните паузи.
Оваа пауза е последна што се одржува на почетокот од септември. Од 2026 година паузите во септември и октомври ќе бидат споени во еден подолг период.
Така, наесен 2026 година, првата пауза за националните селекции ќе трае од 21 септември до 6 октомври. Тоа значи дека во период од три недели нема да се играат клупски натпревари. Во тој интервал репрезентациите ќе одиграат по четири натпревари, наместо досегашниот формат, по два во септември и уште два во октомври.
Втората есенска пауза ќе остане во ноември, кога меѓу 9 и 17 ноември националните тимови повторно ќе одиграат по два натпревари.
