Вечерва во Доха, главниот град на Катар, ќе се одржи церемонија на доделување награди на најдобрите фудбалери во светот врз основа на резултатите од сезоната според ФИФА, наречени The Best FIFA Football Awards 2024.
Настанот започнува во 18 часот.
Ќе се доделат признанија за најдобрите во следните категории: најдобар играч (во машка и женска конкуренција), најдобар голман, најдобар тренер (и за мажи и за жени), наградата Пушкаш за најубав гол, награда за најдобри навивачи, награда за ферплеј. Ќе биде именуван и идеален од 11-мина фудбалери.
Номинирани за машки играч на годината се: Дани Карвахал, Ерлинг Халанд, Федерико Валверде, Флоријан Вирц, Џуд Белингам, Килијан Мбапе, Ламин Јамал, Лионел Меси, Родри, Тони Крос и Винисиус Жуниор. И тука како и за Златната топка, се очекува победник да бидат Шпанецот Родри или Бразилецот Винисиус.
