Асоцијацијата на професионални фудбалери, ФИФПРО, ја објави листата на кандидати за место во нивниот избор за тим на сезоната. Ќе се одберат 11-темина кои биле најдобри во периодот од 21 август 2023 до 14 јули 2024 година.
Од голманите, кандидати за место во идеалниот тим се: Едерсон, Емилијано Мартинес и Нојер.
Најдобри одбранбени играчи се: Карвахал, Рубен Дијас, Ван Дијк, Фримпонг, Рудигер, Салиба и Вокер.
Од средниот ред изборот треба да падне меѓу: Белингам, Де Бројне, Фоден, Крос, Модриќ, Мусијала, Родри и Валверде.
Конкуренти за место во нападот се: Халанд, Кејн, Мбапе, Меси, Палмер, Кристијано Роналдо, Винисиус и Јамал.
Во гласањето ќе учествуваат 28.322 фудбалери од 70 различни земји низ светот, а идеалниот тим ќе се објави на деветти декември. Ќе се бира идеален тим и во женска конкуренција.
