Португалија неочекувано испадна во четвртфиналето од Светското првенство во Катар по поразот од Мароко со 0:1. Мисијата на Португалија беше да се освои Мундијалот, откако во изминативе неколку години се радуваа на титулата на Европското првенство и во Лигата на нации.
Сепак, сонот на Португалија нема да може да се реализира барем уште четири години, до СП 2026. Фудбалската легенда во Португалија, Луис Фиго реши јасно и гласно да каже кого го смета за главен виновник за елиминацијата од Мундијалот во Катар.
„Не можете да го освоите Светското првенство со Кристијано Роналдо на клупата за резерви. Победа против Швајцарија? Супер, но не можете тоа да го правите на секој меч. Не. Да се остави Кристијано Роналдо на клупата за резерви беше голема грешка. Селекторот и неговиот стручен штаб се виновни за овој пораз“, рече Фиго.
Освен Фиго, се поголем дел од јавноста како виновник за елиминацијата го смета селекторот Фернардо Сантош.
🎙 Luis Figo: “You can’t win a World Cup with Cristiano Ronaldo on the bench. Win against Switzerland? Excellent! But can you do that in every game? No.
Leaving CR7 on the bench was a mistake, this defeat is the responsibility of the management and the manager.”#FIFAWorldCup pic.twitter.com/y0BRYlV3dl
— Football Tweet ⚽ (@Football__Tweet) December 10, 2022
