Португалската фудбалска легенда Луис Фиго, прогнозира дека Пари Сен Жермен ќе биде освојувач на трофејот во Лигата на шампионите.
„Тешко е да се каже со сигурност кој ќе освои. Според мене, ПСЖ ќе ја освои Лигата на шампионите. Имаат константност од резултати и физички се одлично подготвени во моментов“, вели поранешниот фудбалер на Барселона, Реал Мадрид и Интер.
Барса и Интер ќе играат еден против друг во полуфиналето.
„Имаат многу различни стилови на игра. Многу греши секој што мисли дека Интер игра дефанзивно. Солидни се во одбрана и примаат малку голови, но имаат играчи кои прават разлика. Не се дефанзивен тим, може да освојат тројна круна, исто како и Барселона“, рече Фиго.
