Филаделфија севентисиксерс во претпоследниот ден од рокот за размена на играчи во НБА лигата ги ангажираше Тобајас Херис и Бобан Марјановиќ од ЛА клиперс. Сиксерси за нивните услуги се откажаа од Лендри Шамет, Вилсон Чендлер и Мајк Мускала, како и четири идни пикови на драфтовите од 2020 до 2023 година.
Филаделфија со ангажманот на Херис, кој воедно беше еден од најдобрите играчи на Клиперс, ја комплетираше „големата 4-ка“ заедно со Симонс, Ембид и Батлер, па сега амбициите како и мотивот се зголеми за атак на шампионската титула.
Крилниот центар одигра 55 меча сезонава за екипата од Лос Анџелес, на кои одржуваше просек од речиси 21 поен и осум скока по натпревар. Што се однесува за српскиот „џин“, сиксерси ќе бидат негов четврти НБА тим, откако претходно ги бранеше боите на Сан Антонио, Детроит и до скоро време ЛА клиперс. Интересно е што Херис и Марјановиќ по вторпат се селат во друг тим „во пакет“, откако Клиперс ги ангажираше и двајцата од Детроит во 2016 година.
Херис влезе во последната година од неговиот договор, што беше една од причините за Клиперс да го трампа, додека раководството на Филадефлија планира да му понуди нов договор по крајот на сезоната.
