Македонскиот одбојкарски репрезентативец Филип Савовски направи голем чекор во својата интернационална кариера, откако во новата сезона ќе го носи дресот на грчкиот шампион Панатинаикос. Средниот блокер и клубот од Атина се договорија за едногодишна соработка, со јасни амбиции и високи цели.
„Ова е еден од најголемите предизвици во мојата кариера. Панатинаикос е клуб со голема историја, шампион на Грција и учесник во Лигата на шампионите. Очекувам многу, но истовремено сум подготвен да дадам се од себе за успешна и здрава сезона“, изјави Савовски.
Со овој потег, 23-годишниот Савовски прави значителен исчекор напред, не само на спортски, туку и на професионален план. Покрај домашниот успех со Струмица, каде ја освои двојната круна, зад себе има и меѓународно искуство во српските великански клубови Војводина и Нови Сад. Сега го очекува ново поглавје, во екипа што има шампионски менталитет и амбиции на највисоко европско ниво.
