Милан е освојувач на Супер купот на Италија, откако вечерва на неутрален терен во Ријад, Саудиска Арабија, со неверојатен пресврт го победи градскиот ривал Интер со 3:2. Оваа победа на Росонерите има посебно значење, затоа што успеаа да се вратат од негатива од 2:0, за на крајот да победат и да го освојат пехарот.
Возбудувањата започнаа на крајот од првото полувреме. Во втората минута од судиското надополнување Лаутаро Мартинес донесе голема радост за Интер и водство од 1:0 на полувреме.
Само што започна вториот дел, нов погодок за Интер. Овојпат Мехди Тареми беше прецизен за 2:0 и тоа во 47 минута.
Милан не се предаде. Пет минути по вториот примен гол, следуваше фантастилен погодок на Тео Ернандес кој погоди од слободен удар слободен удар во 52 минута намали на 2:1.
Кристијан Пулишиќ израмни на 2:2 во 80 минута и тоа како да беше најава за тоа што ќе се случи до крајот.
Во судиското надополнување, целосен пресврт. Абрахам го постигна голот за 3:2 и тоа беше знак за голема радост на фановите на Милан.
