Уругвајскиот судија Естебан Остојиќ ќе ја има честа да биде главен судија на големото финале на Копа Америка помеѓу вечните фудбалски ривали Бразил и Аргентина.
Кога ќе се прочита презимето на судијата, веднаш се доаѓа до заклучок дека тој има потекло од просторите на некогашна Југославија. Судијата има 39 години, роден е во Уругвај, а во неговата биографија стои дека неговото семејство се доселило во Монтевидео во далечната 1930 година, годината кога во главниот град на Уругвај се играше првото Светско првенство, на кое настапи и репрезентацијата на Југославија.
