Финалето на Лигата на шампионите треба да се одржи на 10 јуни, на стадионот „Ататурк“ во Истанбул, но постои можност одигрувањето на овој натпревар да се премести во друг град.
Причината е загриженоста на УЕФА околу можните граѓански немири поради претседателските избори во Турција. Првиот круг од изборите ќе се одржи во недела, додека вториот ќе биде на почетокот на јуни. Португалските медиуми објавија дека УЕФА веќе контактиралата со Фудбалската асоцијација на Португалија околу можноста финалето да се одигра во Лисабон.
