Финансиска полиција интензивно го истражува случајот со продажбата на италијанскиот фудбалски гигант Милан што се случи во август лани, а по која сопственик на 99 отсто од акциите стана „Ред Брд“.
Инвестициската фирма плати 1,2 милијарди долари за да го купи седумкратниот европски и 19-кратен италијански првак.
Сега се истажува дали сè било в ред или има сомнителна трансакција меѓу претходниот сопственик на Милан, „Елиот капитал адвајзор“ и „Ред Брд“.
Il Nucleo speciale di polizia valutaria della Gdf sta effettuando acquisizioni nell'ambito di un'inchiesta con al centro la vendita del Milan dal fondo Elliott a RedBird di Gerry Cardinale dell'agosto scorso. Indagine che più nello specifico parte da un esposto dell'ex (segue)
— Daniele Longo (@86_longo) January 26, 2023
„Ред Брд“ има акции и во Ливерпул откако вложи 735 милиони долари во „Фенвеј спортс груп“, фирма која е сопственик на англискиот гигант.
Работите се уште позаплеткани ако се знае дека „Ред Брд“ има акции и во двата американски гиганти Њујорк јенкис и Бостон ред сокс.
Фудбалска Италија месецов ја тресат скандали, а прв настрада најтрофејниот клуб Јувентус.
Старата дама е казнета со одземање 15 бода поради финансиски малверзации, а на тапет се наоѓа и лидерот во Серија А, Наполи, но засега сè е во доменот на шпекулации дека и Наполитанците работеле незаконски.
