Изоставувањето на Роберто Фирмино е едно од поголемите изненадувања во спектакуларниот состав на Бразил за Светското првенство во Катар, а напаѓачот на Ливерпул преку социјалните мрежи го искоментира своето изоставување од списокот на селекторот Тите.
„Светско првенство е сон на секој играч, па и јас не сум исклучок. Вчера работите не одеа како што сакав, но кога ќе погледнам назад, му благодарам на Бог што ми овозможи да го живеам својот сон. Секогаш ми било чест да играм за националниот тим“, напиша 31-годишниот Фирмино, кој додаде и цитат од Библијата.
Фирмино за Бразил одиграл 55 меча, дал 17 гола, а сезонава има шест гола во Премиер лигата.
Во нападот на Бразил, само Нејмар има повеќе од 25 години, селекторот Тите се определи за помладите, а доби критики што не го повикал и 16-годишниот Ендрик.
