Фламенго е освојувач на Купот на Бразил и ова му е голем поттик пред големото финале во Копа Либертадорес на 29 октомври против Атлетико Паранаенсе.
Екипата за која играат познати фудбалери, како Артуро Видал, Давид Луиз, Филипе Луис, Евертон, Габриел Барбоса-Габигол, до трофејот во Купот на Бразил дојде со победа над Коринтијанс на пенали, и тоа по седум серии.
Во регуларниот дел, средбата заврши 1-1. На Фламенго му беа поништени два гола, по што Коринтијанс изедначи во 82-рата минута.
