Тренерот на Барселона, Ханси Флик, беше разочаран што убедливата победа над Атлетико Мадрид од 3-0 во реваншот од полуфиналето на Купот на кралот не беше доволна Каталонците да стигнат до финалето бидејќи го загубија првиот натпревар со 0-4.
„Разочарани сме, но едноставно не можевме да постигнеме четврти и петти гол, се случува и тоа. Чувствувам дека ако играме повеќе вакви натпревари, ништо нема да нè запре. Имаме уште двајца повредени играчи и не сум среќен поради тоа. Ќе мора да разговараме со медицинскиот тим и фитнес тренерите за тоа како да спречиме тројца играчи да се повредат во истата недела“, рече Флик.
Тренерот на Атлетико, Диего Симеоне, рече дека посакувал првиот меч да го добијат и поубедливо бидејќи знаел на што се способни овие играчи на Барселона.
„Тие играат брилијантно. Денеска тука им беа Педри и Рафиња, кои прават разлика, играат со високо темпо и имаа добро прво полувреме. Боли што головите дојдоа од пропусти во концентрацијата при прекини, а не од отворена игра. Не знам дали голот од 3-0 беше офсајд или не, но нè стави во тешка позиција. Не можевме да ја играме играта што ја сакавме напаѓајќи повеќе по десната страна. Не би потпишал да загубиме со 0-3 бидејќи можевме да играме подобра игра офанзивно. Ние сме Атлетико, предодредени сме да страдаме“, коментираше Симеоне.
