Играчот за врска на Манчестер сити, 30-годишниот Илкај Гундоган, одлучил да продолжи да игра за германската репрезентација.
Гундоган по ЕВРО 2020, на кое Германија испадна уште во осминафиналето, сериозно размислуваше да стави крај на репрезентативната кариера, како што направи неговиот партнер од средниот ред на популарниот Маншафт, Тони Крос.
Сепак, по разговорот со новиот селектор Ханс Дитер Флик, Гундоган реши да продолжи да настапува за својата земја. Гундоган за Германија има 49 настапи и 11 гола.
