Барселона нареди три победи во трите контролни дуели на турнејата во САД, а новиот тренер Ханси Флик е задоволен. Каталонскиот гигант утрово со 2:1 славеше над Реал Мадрид со што само продолжи традицијата да го победуваат најголемиот ривал кога играат на тлото во САД.
„Мечевите против Реал Мадрид секогаш се посебни без разлика што сега се работи за пријателски дуел. Многу ми се допадна начинот на кој игравме, како ја контролиравме топката. Точно е дека беше само контролен меч, но и сега и против Манчестер сити одигравме добро. Единствено што замерувам е тоа дека мора да бидеме фокусирани во текот на сите 90 минути и да вршиме притисок на противникот“, задоволно вели Флик.
