Германскиот стратег на клупата на Барселона, Ханси Флик, во својата тренерска кариера седумпати ги предводел екипите кои ги тренира во финале на некое натпреварување и секогаш успевал да победи.
Со Баерн Минхен ги освојуваше германскиот Куп и Супер куп, но и Лигата на шампионите, европскиот Супер куп, како и Светското клупско првенство. Со Барселона има два од два и тоа победувајќи го најголемиот ривал, Реал Мадрид, во финалните натпревари и во Купот и во Супер купот, па сосема нормално е задоволството, но и среќата поради успехот кои ги покажа пред новинарите на прес-конференцијата после фантастичното финале против „кралевите“.
„Горд сум на оваа екипа. За мене е неверојатно како секогаш успеаваат да најдат решение на терен, како се борат за екипата. Многу, многу сум горд на нив. Пресреќен сум и поради навивачите, поради нашата екипа, стручниот штаб и секако поради клубот. Беше навистина неверојатно. Го заслуживме ова и многу сум среќен. Ова беше сјаен момент за клубот, иако во второто полувреме не бевме добри. На крајот имавме поддршка и од навивачите. Во продолженијата одбранивме две шанси на Реал, а постигнавме победнички гол. Тука сум со мојата екипа за да направам позитивна атмосфера во клубот и соблекувалната, за да можат момците да уживаат на терен, да го сакаат фудбалот, да играат со радост и да покажат што умеат. За мене е важно да имаме таква атмосфера во соблекувалната, а играчите да знаат дека веруваме во нив. Беше прекрасно да се следи од клупа како успеаја да направат пресврт. Секогаш размислувам позитивно, така беше и сега. Ја заслуживме победата, се беше како што треба, а Кунде направи одлична работа. Совршена вечер за нас. Кога прифаќате ваква работа, мора да размислувате позитивно. Бев изненаден колку сите беа љубезни и убаво ме пречекаа. Од првиот ден се чувствувам многу среќен во Барселона.“ – рече Флик во прилично долгата изјава на почетокот на официјалната прес-конференцијата после освоениот трофеј од Купот на Шпанија.
