По два порази во серија, по еден во Премиер лигата и во Лигата на шампионите, фудбалерите на Манчестер сити им се вратија на победите, но многу потешко од очекуваното.
„Граѓаните“ со 3-2 славеа над Лидс, но до трите бода дојдоа дури во судиското продолжение, иако имаа предност и од 2-0. Фил Фоден со гол во 59-тата секунда го донесе Манчестер сити во водство од 1-0, а Јошко Гвардиол во 25-тата зголеми на 2-0.
Сепак, гостите во вториот дел со два гола во 49-тата и во 68-мата минута, стигнаа до израмнување на 2-2.
Беа покажани 10 минути продолжение, но Фил Фоден со гол во 91-вата минута ја донесе победата за Манчестер сити и нови три бода за задржување на втората позиција.
