Француската ракометна репрезентација ја потврди својата класа откако без многу проблеми славеше над Холандија со 35:28 во меч од групата во која е и Македонија. Со оваа победа Франција го обезбеди првото место во групата и сигурно ќе игра во четвртфиналето на Светското првенство кое се игра во Хрватска, Данска и Норвешка.
Уште од самиот почеток Франција покажа дека е подобра. Поведе со 5:3, потоа имаше 9:6, за да целосно го скрши отпорот на противникот пред крајот на првото полувреме кога во еден момент беше 17:11, а на полувреме 19:13.
Во вториот дел Франција само рутински ја одржа предноста и го задржа перфектниот учинок на табелата. Интерсно е тоа дека моментално Македонија е на второто место на табелата и нашата репрезентација уште има шанси да се надева на пласман во четвртфиналето на Мундијалот.
