Со победа стартуваше репрезентацијата на Франција на ЕП, откако минимално со 1:0 славеше над Австрија. Галските петли мора да бидат среќни за освоените три бода, затоа што според играта на теренот, не уверија дека беа големи фаворити.
Дефанзивецот на Австрија, Максимилијан Вебер е трагичарот на мечот, откако си постигна автогол во 38 минута. По еден продор на Мбапе, Вебер несмасно со глава реагираше и ја погоди мрежата на својот голман.
Австрицит беа повеќе од рамноправен ривал. Имаа поголем посед на топката, изведоа повеќе корнери, но наместо да постигнат гол за да се радуваат, тие си дадоа автогол, па на крајот Франција ги освои трите бода.
