Репрезентацијата на Франција со победа го отвори циклусот квалификации за пласман на Светското првенство 2026. „Триколорите“ со 0-2 славеа на гостувањето кај Украина со головите на Олис во 10-тата и на Мбапе во 82-рата минута.
За Французите ова првиот натпревар од квалификациите, бидејќи се најдоа во група од четири екипи.
Италија со убедливи 5-0 ја совлада Естонија во Бергамо, но она што може да ги загрижи Италијанците е фактот дека во првиот дел не успеаја да ја затресат мрежата на аутсајдерот иако упатија дури 17 удари кон противничкиот гол.
Хрватска на „мускули“ со минимални 0-1 победи на гостувањето кај Фарските острови со голот на Андреј Крамариќ во 31-вата минута и го задржа максималниот ефект по три кола во нивната квалификациска група.
Најубавиот погодок вечерва беше постигнат во Подгорица, а беше дело на чешкиот репрезентативец Лукаш Черв во победата на неговата репрезентација од 0-2 над Црна Гора.
Словенија и Шведска ремизираа, 2-2, во Љубљана, а без голови заврши мечот помеѓу Данска и Шкотска. Убедливи победи забележаа Грција над Белорусија (5-1), Исланд против Азербејџан (5-0), Израел на гости над Молдавија (0-4) и Швајцарија над Косово (4-0).
