Селекторот на фудбалската репрезентација на Франција, Дидие Дешамп, вечерва го објави списокот на фудбалери со кои ќе настапи на претстојното Светско првенство во Катар.
Франција на Мундијалот во Катар ќе ја брани титулата освоена пред четири години, а Дешамп нема да може да смета на двајца клучни играчи од средниот ред, Пол Погба и Н’голо Канте, кои се повредени, но затоа по пауза од осум години, на СП ќе настапи Карим Бензема.
Дешамп се одлучи на драстични промени во однос на претходниот Мундијал во Русија и нема да смета на 12-мина играчи со кои ја освои титулата. Покрај Погба и Канте, повреден е и Корентен Толисо, а не се повикани: Томас Лемар, Блез Матуиди, Бенжамен Менди, Стивен Н’зонзи, Адил Рами, Џибрил Сидибе, Самуел Умтити и Флоран Товин.
Франција се наоѓа во групата Д заедно со селекциите на Австралија, Данска и Тунис. Галските петли на 22 ноември ќе играат против Австралија, на 26 ноември против Данска, а на 30 против Тунис.
Голмани: Уго Љорис, Алфонс Ареола, Стив Манданда
Одбрана: Дајот Упамекано, Рафаел Варан, Преснел Кимпбембе, Ибрахима Конате, Вилијам Салиба, Бенжамен Павар, Лукас Хернандез, Жил Кунде, Тео Хернандез
Среден ред: Јусуф Фофана, Матео Гендузи, Адрие Рабио, Орелиен Чуамени, Едуардо Камавинга, Жордан Верето
Напад: Карим Бензема, Кингсли Коман, Осман Дембеле, Оливие Жиру, Антоан Гризман, Килијан Мбапе, Кристофер Нкунку.
