Челниците на фрнцуската фудбалска федерација (ФФФ) го казнија Бордо со исфрлување од Втора во Трета лига. Оваа одлука е поради зголемените финансиски проблеми кои ги има некогашниот француски гигант.
Бордо е шесткратен француски првак, а последен пат беше на тронот во својата земја во 2009 година. Во 2021 година клубот испадна во Втора лига, а минатата сезона ја заврши на 12 место на табелата.
Во летниот период Бордо не успеа да најде нов стабилен спонзор кој ќе ги реши финансиските проблеми, па како казна сега е исфрлен во Трета лига. Во изминативе неколку децении, дресот на Бордо го носеа многу прославени фудбалери. Најславен од сите е Зинедин Зидан кој дресот на Бордо го носеше во периодот од 1992 до 1996 година, каде и се промовираше во екстра играч, па потоа направи трансфер во Јувентус и на крајот заврши во Реал Мадрид.
Освен Зидан во дресот на Бордо играа и Алан Жирес, Жан Тигана, Биксент Лизаразу, Кристоф Дугари… Поради испаѓањето на Бодро во Трета лига, второлигашниот статус го задржа тимот на Троа.
